ހޯމްވަރކް

(މިއީ އެމެރިކާގެ ޅެންވެރިއެއްކަމަށްވާ އެލެން ގިންޒްބަރގް ލިޔުއްވާފައިވާ "ހޯމްވަރކް" ނަމަކަށް ކިޔުނު ޅެމުގެ ތަރުޖަމާއެކެވެ.)

އަހަރެން އެއްޗެހި ދޮންނަކަމުގައިވަނީނަމަ، ދާވެފައިވާ އަހަރެންގެ އީރާން ދޮންނާނަމެވެ.

އޭގެތެރެއަށް އަހަރެންގެ އެމެރިކާ ލައި، އައިވަރީ ސައިބޯނި އަޅާނަމެވެ.

އެފްރިކާގައި ބުރުސްއަޅައި، ހުރިހާ ދޫނިސޫފާސުއިއްޕާއި އެތްތައް އަލުން ޖަންގަލިތަކަށް ލާނަމެވެ.

އަހަރެން އެމޭޒަން ކޯރު ދޮވެ، ތެޔޮވެފައިވާ ކެރީބިއަން އާއި މެކްސިކޯ ގަލްފު ތާހިރުކުރާނަމެވެ.

އުތުރު ތަނޑީގެ މަތީގައި އޮތް ދުންތައް ފުހެލައި، އެލަސްކާގެ ތެޔޮހޮޅިތައް ފުހޭނަމެވެ.

ރޮކީ ފްލެޓްސް އާއި ލޮސް އަލަމޯސް އުނގުޅައި، އެވިދާ ސީސިއަމް ލަވް ކެނަލުން ބޭރުކުރާނަމެވެ.

ޕާރތެނޮން އާއި ސްފިންކްސްގެ މައްޗަށް ވެހެމުންދާ އެސިޑްގެ ވާރެ އެތަންތަނުން ދޮވެ،

މެދުތެރޭ ކަނޑުގެ އަޑީގައިވާ ކިލަނބުކަން ނައްތާލައި އެކަނޑަށް ނޫކަން އަލުން ގެންނުވައިދޭނަމެވެ.

ރައިން ކޯރުގެ މަތީގައިވާ އުޑުގައި ބްލޫނިލައި، ސްނޯފަދަ ހުދު ސްނޯ ފައިބާތޯ ކުދިކުދި ވިލާތަކަށް ބްލީޗް އަޅާނަމެވެ.
އަދި ހަޑްސަން އާއި ތޭމްސް އަދި ނެކަރ ސާފުކޮށް، އީރީ ކުޅިން ފޮނުތައް ނަގާނަމެވެ.
އެއަށްފަހު އަހަރެން މާސިންގާ ދޮވުމަކުން ލެއިން ފޯވެފައިވާ އޭޝިއާ ދޮވެ، އޮރެންޖް އޭޖެންޓްގެ ވިހަ ނައްތާލާނަމެވެ.

ކިލައިން ތަތްތެޅިފައިވާ ރަޝާއާއި ޗައިނާ ފިއްތާ މެޝިނުން ހިއްކައި، 

އެމެރިކާގެ ފުލުހުންގައި ހުރި ނުކިއްސަރު ލައްތައް ފިލުވާނަމެވެ.

އަދި މުޅި ދުނިޔެ ހިއްކާ ބަޔަށްލައި، ވިއްސަކަށް މިނިޓަށް ހިއްކަން ޖައްސާނަމެވެ.

ނުވަތަ ސާފުވެގެން ނިކުންނަންދެން ޢުމުރުދުވަހަށް ވިޔަސް ބަހައްޓާނަމެވެ.